देऊळगावराजे (BS 24NEWS) स्वर्गीय सुरजबाई किसनदास कटारिया इंग्लिश मीडियम स्कूलमध्ये (दि. १८)फेब्रुवारी रोजी शिवजयंती मोठ्या उत्साहात साजरी करण्यात आली. यावेळी विद्यार्थ्यांनी छत्रपती शिवराय व मावळ्यांचे पोशाख परिधान करत सर्व उपस्थितांना शिवकाळाची आठवण करुन दिली. लेझीम व ढोल ताशांच्या गजरात शिवरायांची मिरवणूक काढली.
यावेळी फॅन्सी ड्रेस व वक्तृत्व स्पर्धेचे आयोजन करण्यात आले होते. या स्पर्धेमध्ये १००विदयार्थ्यांनी सहभाग नोंदवला. परीक्षक म्हणून प्रसिद्ध इतिहासकार प्राध्यापिका अरुणा मोरे , पहाणे सर व पाटील सर यांनी कामकाज पाहीले. याप्रसंगी दौंडचे माजी नगराध्यक्ष प्रेमसूख कटारिया, गोविंदशेठ अग्रवाल, भाजपा किसान मोर्चाचे तालुकाध्यक्ष अभिमन्यू गिरमकर, मुरलीधर भोसले, कानिफनाथ सूर्यवंशी, संजय भुजबळ पाटील, राधिका पहाणे पाटील व त्रिंबक भोसले यांच्यासह अनेक मान्यवर व पालक वर्ग उपस्थित होते. कार्यक्रम यशस्वी करण्यासाठी प्राचार्या पाचपुते व शिक्षक सहकाऱ्यांनी मेहनत घेतली.
कोविड नंतर शाळा सुरु झाल्यावर पहिलाच कार्यक्रम असूनही लहान मुलांनी सादर केलेल्या कलागुणांमुळे पालक वर्ग व पाहुणे मंडळींनी सर्व विदयार्थ्यांचे कौतुक केले.
