उशिरा आवर्तन आल्याने झालेल्या नुकसानीची भरपाई मिळण्याची शेतकऱ्यांची मागणी

पाटस (BS24NEWS)

खडकवासला धरणातून शेतीसाठी सोडण्यात येणारे आवर्तन 15 दिवस उशिरा सोडण्यात आल्याने शेती पिकांचे नुकसान झाले आहे . झालेल्या नुकसानीची भरपाई मिळावी अशी मागणी दौंड तालुक्यातील पाटस येथील शेतकऱ्यांनी तहसीलदार संजय पाटील यांच्या कडे लेखी निवेदनाद्वारे केली आहे .

पाटस येथील शेतकऱ्यांनी तहसीलदार यांना दिलेल्या निवेदनात पुढील बाबी नमूद करण्यात आल्या आहेत . शेती हाच आमचा मुख्य व्यवसाय आहे . खडकवासला धरणातून शेतीसाठी सोडण्यात येणारे आवर्तन हे 15 दिवस उशिरा सोडण्यात आले आहे . आवर्तन उशिरा सोडल्याने शेती पिकांचे मोठे नुकसान झाले आहे . यामुळे शेतकरी चिंताग्रस्त झाले आहेत . यामुळे शेतकऱ्यांना न्याय मिळावा यासाठी प्रत्यक्ष पाहणी करून पंचनामे करण्यात यावेत .

कालवा सल्लागार समिती , सिंचन विभाग यांना शेतकऱ्यांचे काही घेणे देणे नसल्याने हे विभाग शेतीसाठी आवर्तने उशिरा सोडतात असा आरोप या निवेदनात शेतकऱ्यांनी केला आहे . तसेच झालेल्या नुकसानीची भरपाई मिळावी अशी मागणीही या निवेदनात करण्यात आली आहे .

यावेळी सत्वशील शितोळे जयंत शितोळे पाटील , आबा शितोळे पाटील , रमेश जाधव , दिनेश गायकवाड , विष्णु गायकवाड , नवनाथ म्हस्के , संजय शिंदे , संदीप खारतुडे, यांसह मोठ्या संख्येने शेतकरी उपस्थित होते .