दौंड(BS24NEWS)
झारखंड राज्यातील जैन धर्मियांचे अतिशय पवित्र असे सिध्दक्षेत्र श्री सम्मेद शिखरजी येथे केंद्र सरकारने पर्यटन क्षेत्र जाहिर केल्याचा निषेध करण्यासाठी जैन समाजाच्या वतीने
दौंड शहरात मोर्चा काढण्यात आला .
या मोर्चात दौंड चे माजी नगराध्यक्ष प्रेमसुख कटारिया यांसह मोठ्या संख्येने जैन समाज बांधव या मोर्चात सहभागी झाले होते .
दौंड शहरातील विमल पार्श्वनाथ मंदिर येथून दौंड तहसीलदार कार्यालयापर्यंत हा मोर्चा काढण्यात आला . दौंड तहसीलदार कार्यलयात जैन समाजाच्या विविध मागण्यांचे निवेदन देण्यात आले .
जैन धर्मियांचे अतिशय पवित्र असे सिध्दक्षेत्र श्री सम्मेद शिखरजी येथे पर्यटन स्थळ करण्याचा
झारखंड राज्याने घेतलेला निर्णय हा निश्चितच निषेधार्ह आहे . सरकारने हा निर्णय मागे घ्यावा अशी मागणी यावेळी बोलताना दौंडचे माजी नगराध्यक्ष प्रेमसुख कटारिया यांनी केली आहे. यावेळी दौंड शहरासह तालुक्यातील जैन बांधव उपस्थित होते.
